Во рамките на своите активности во делот за реформата на пазарот на труд Проектот за деловно опкружување на УСАИД, интензивно работи на активности поврзани со промоција на пофлесибилен пазар на труд, развој на социјалниот дијалог, промоција на активните марки на пазарот на труд, реформа на Агенцијата за вработување, како и промоција на концептот на доживотно учење.

Во изминатиот временски период Проектот заедно со Министерството за труд и социјална политика и Агенцијата за вработување на РМ, дизајнираше и спроведуваше мерки, како дел од Националната Стратегија за Вработување 2006-2010, и како дел од Оперативните планови на Владата на РМ за активни мерки на пазарот на трудот.

Фондацијата Институт отворено општество - Македонија (ФИООМ), во рамки на Програмата за економски реформи интензивно работи на активности поврзани со развој на претприемништвото како и развој на капацитетите на ромската заедница во Македонија. Во таа насока, во периодот од јануари 2006 до јануари 2009 ФИООМ го реализираше проектот Обука на Роми обучувачи за претприемништво. Една од главните цели на Обуката за обучувачи беше пренесување на знаења и вештини за подготовка на сопствен Бизнис план и понатамошно пренесување на истите на други лица со цел започнување сопствен бизнис. Во двата циклуса обуки вкупно опфатени 25 млади обучувачи кои самостојно изработија сопствен Бизнис план.