,,Моја Кариера” има за цел да создаде мост меѓу образовните институции, студентите и компаниите, на студентите да им го олесни наоѓањето на вработување и практикантска работа во врвни македонски компании и да им помогне на компаниите да регрутираат најдобри таленти кои се присутни на пазарот на трудот.
Целите на програмата се:
•    Да го намали јазот помеѓу обезбедувањето на работна сила и оние на кои им треба работна сила и таленти, особено со недостатокот во секторите/индустриите каде е потребна работна сила,
•    Да се едуцираат бизнис заедницата и образовните установи за придобивките на програмата за практикантска работа, и
•    Да се развие програма за практикантска работа, така што компаниите кои не можат да ги сносат трошоците за вработување, ќе можат да придонесат со нивното учество во оваа програма.

Порталот www.mojakariera.com.mk е интерактивна платформа која дозволува меѓусебно делување помеѓу студентите и невработените од една, а компаниите од друга страна, во реално време. Интерактивните активности како што се: он-лајн Саем за кариера, форуми, видео презентации од страна на компаниите и он-лајн презентации се само дел од функциите овозможени на порталот, кои им овозможуваат и на студентите/ невработените и на компаниите да комуницираат во реално време.
Исто така, развиена и реализирана е програма со обуки за компаниите за методологија на практикантската работа, а за студентите – за развивање на нивните вештини за вработување за подобро да се подготват за аплицирање на работно место. За студентите, организирани се обуки за пишување на резиме, пропратно писмо, комуникациски и преговарачки вештини. Менторите од компаниите кои учествуваат во Програмата за практикантска работа, исто така  посетуваат адаптирани обуки.