Проектот „АМИКО“, финансиран од италијанското министерството за економски развој има за цел да ја зајакне соработката меѓу западно - балканските и италијанските компании. ЦДС – Центар за деловна соработка, како контактна точка за  македонските и италијанските мали и средни претпријатија  на проектот „АМИКО“ во Скопје,  веќе 2 години обезбедува техничка асистенција на италијанските компании кои ќе пројават интерес за македонскиот пазар, а од друга страна ги стимулира македонските претприемачи да отпочнат професионална соработка со италијанските фирми.

Дел од активностите е и  организација на посета на италијански фирми на саеми во Македонија.
Втора година по ред над 40 италијански компании (над 50 минатата година) учествуваат на Технома.
Најпрестижната саемска манифестација, Технома 2011 се одржа од 17 до 22 октомври на „Скопски Саем“, со забележително учество на странски претпријатија и тоа од република Италија, Словенија и Грција.

Во рамките на Технома се одржаа технички работилници, друштвени бизнис сесии, се иницираа планови, спогодби и договори.

Една од овие активности  беше организирана на 19 октомври 2011 од г-н Ненад Апостолоски, директор на Центар за деловна соработка -  ЦДС кој е локален експерт на „АМИКО“ за Македонија. На панел дискусијата  која тој ја организираше на тема „Македонија, повици за европски проекти, преглед на актуелните можности и на проспективите за во блиска иднина“  учествуваа четворица консултанти со долгогодишно искуство во работењето со европски проекти. Тие ги споделија информациите за актуелните и идните можности  за користење на овие фондови и предизвикаа интерес кај италијанските компании.